Nyrs Gofrestredig
- Recruiter
- Nursing and Midwifery Council (NMC)
- Location
- UK Wide
- Salary
- annual allowance of £14,724
- Posted
- 30 Apr 2018
- Closes
- 29 May 2018
- Sectors
- Health, Nursing & Social Care
- Contract Type
- Permanent
- Hours
- Part Time
Aelod sy'n Gofrestrai: Cyngor Nyrsio a Bydwreigiaeth
Deyrnas Unedig
Arwain y ffordd o ran diogelwch y cyhoedd a diogelwch cleifion
Mae gennym gyfle cyffrous i nyrs neu fydwraig gofrestredig ymuno â'n Cyngor.
Ein gwaith ni yw diogelu'r cyhoedd. Rydym yn gwneud hyn trwy reoleiddio nyrsys a bydwragedd mewn ffordd effeithiol. Gydag oddeutu 690,000 o nyrsys a bydwragedd ar ein cofrestr, ni yw'r rheolydd proffesiynol mwyaf yn y DU.
Ein huchelgais yw bod yn rheolydd dynamig, deallus a blaenllaw. Ar hyn o bryd, rydym yn canolbwyntio ar siapio nyrsys a bydwragedd y dyfodol, gan bennu cyfeiriad strategol newydd ar gyfer y ffordd yr ydym yn ystyried addasrwydd i wneud gwaith a pharatoi ar gyfer rheoleiddio rôl newydd y cydymaith nyrsio.
Fel aelod o'r Cyngor, byddwch yn cyflawni rôl hanfodol wrth gryfhau gweithgarwch rheoleiddio nyrsio a bydwreigiaeth er mwyn gwella diogelwch y cyhoedd a diogelwch cleifion. Bydd angen ymagwedd strategol arnoch, ynghyd â doethineb a'r gallu i weithio fel aelod o dîm er mwyn gwneud penderfyniadau hollbwysig. Yn ddelfrydol, bydd gennych chi rywfaint o brofiad o weithio ar lefel bwrdd neu o gyfrannu at brosiectau neu fentrau cenedlaethol. Rydym yn croesawu diddordeb gan ymgeiswyr sy'n meddu ar brofiad o arweinyddiaeth ar lefel uwch neu o ddarparu gwasanaethau nyrsio cymunedol.
Gallwch fod yn byw neu'n gweithio yn unrhyw un o bedair gwlad y DU. Bydd angen i chi ymrwymo'ch sgiliau, eich egni a'ch profiad i CNB am oddeutu tri diwrnod y mis a byddwch yn cael lwfans blynyddol o £14,724.
Y dyddiad cau er mwyn cyflwyno ceisiadau yw: canol dydd, 29 Mai, 2018. Cynhelir cyfweliadau yn Llundain ar 23 Gorffennaf 2013, gyda'r nod o benodi rhywun yn gynnar ym mis Medi 2018.
Rydym yn dymuno i aelodaeth ein Cyngor adlewyrchu'r amrywiaeth mewn cymdeithas. Rydym yn croesawu ceisiadau gan unigolion sy'n meddu ar gymwysterau addas ac rydym wedi ymrwymo i sicrhau bod pob ymgeisydd yn cael eu trin mewn ffordd deg, gyda pharch a heb duedd.