Cadeirydd
- Recruiter
- Welsh Government / Llywodraeth Cymru
- Location
- CF10 1EP, Cardiff
- Salary
- £400 y dydd
- Posted
- 01 Feb 2018
- Closes
- 25 Feb 2018
- Ref
- 225380457-01
- Sectors
- Charity & Voluntary, Public Sector
- Contract Type
- Permanent
- Hours
- Part Time
COMISIWN SEILWAITH CENEDLAETHOL CYMRU
Penodi'r Cadeirydd:
Cydnabyddiaeth ariannol: £400 y dydd
Ymrwymiad amser: 5 diwrnod y mis
Mae Llywodraeth Cymru wedi sefydlu Comisiwn Seilwaith Cenedlaethol Cymru (CSCC) i roi cyngor annibynnol, a fydd yn seiliedig ar well gwybodaeth, ar strategaeth fwy hirdymor ar gyfer buddsoddi mewn seilwaith a fydd yn ymgorffori egwyddorion Deddf Llesiant Cenedlaethau''r Dyfodol (Cymru) 2015.
Corff cynghori anstatudol yw CSCC. Ei gylch gwaith yw hoelio sylw ar anghenion Cymru o ran seilwaith economaidd ac amgylcheddol dros gyfnod o 5-30 mlynedd. Bydd y Comisiwn hefyd yn ystyried y cysylltiadau rhwng yr anghenion hynny a 'seilwaith cymdeithasol'; megis ysgolion, ysbytai a thai. Fodd bynnag, ni fydd disgwyl i CSCC ystyried a rhoi cyngor manwl ar anghenion o ran seilwaith cymdeithasol.
Bydd y cyngor a gynigir gan CSCC yn strategol ac yn ystyried anghenion y dyfodol. Ni fydd rhoi cyngor ar gynlluniau seilwaith sydd ar waith eisoes neu sydd ar fin cael eu gweithredu yn rhan o gylch gwaith y Comisiwn.
Bydd Cadeirydd CSCC yn cael cyfle unigryw i edrych ar anghenion hirdymor Cymru o ran seilwaith economaidd ac amgylcheddol, gan ddylanwadu ar rwydweithiau seilwaith y dyfodol drwy wneud argymhellion ffurfiol i Lywodraeth Cymru ar gysylltiadau, ffactorau rhyngddibynnol a blaenoriaethau strategol, gan gynnwys y berthynas â seilwaith cymdeithasol fel tai. Bydd y Cadeirydd yn mireinio rôl CSCC ac yn meithrin consensws â byd diwydiant a rhanddeiliaid eraill.
Bydd gan y Cadeirydd feddwl praff a bydd yn llais annibynnol ar seilwaith a fydd yn gweithio gyda grŵp amrywiol o Gomisiynwyr. Bydd gan y Cadeirydd broffil cyhoeddus amlwg. Bydd yn cyflwyno argymhellion CSCC yn gyhoeddus a hefyd gerbron Cynulliad Cenedlaethol Cymru, a bydd yn gwirio bod yr argymhellion a dderbynnir gan Lywodraeth Cymru yn cael eu gweithredu.
Cyn penodi'r ymgeisydd a ffefrir ar gyfer swydd y Cadeirydd, bydd Gwrandawiad Cyn Penodi yn cael ei gynnal gerbron Pwyllgor Economi, Seilwaith a Sgiliau Cynulliad Cenedlaethol Cymru.
Bydd disgwylir i'r sawl a benodir yn Gadeirydd fod yn aelod o'r panel recriwtio a fydd yn penodi'r Comisiynwyr.
Y dyddiad cau ar gyfer ceisiadau yw 25 Chwefror 2018. Ni fyddwn yn ystyried ffurflenni cais a ddaw i law ar ôl y dyddiad hwnnw. Disgwylir i gyfweliadau gael eu cynnal yn ystod misoedd 23/24 Ebrill 2018.